Nënkryetari i Kuvendit të Kosovës, Enver Hoxhaj, ka rrëfyer për momentet e para pas shpalljes së pavarësisë, 15 vite më parë.

Hoxhaj ka treguar se momenti historik i shpalljes së pavarësisë është përcjellur me një takim brenda zyres së ish-kryetarit të Kuvendit, Jakup Krasniqi, shkruan Gazeta Online Reporteri.net.

Sipas tij, ish-presidenti Hashim Thaçi kishte mbledhur disa nga bashkëpartiakët dhe qeveritarët në një takim ku është folur për sakrificat që kanë çuar deri në shpallje të Kosovës shtet.

“Takimi i parë ka ndodh në zyre të kryetarit të Kuvendit, ku kryeministri Thaçi më ka ftua mua, Hajredin Kuçin e Fatmir Limajn, Ramë Bujën e të tjerë. Jemi ulë në zyrë të tij… kanë evokuuar kujtime për kilometrat e gjatë për luftën për liri, që kanë bërë sakrifica të mëdha, janë përmend emra heronjsh e dëshmorësh që mungonin”, ka kujtuar Hoxhaj në T7. /Reporteri.net/.