Kryetari i Aleancës për Ardhmërinë e Kosovës (AAK), Ramush Haradinaj, ka pajtuar dy familje në rajonin e Dukagjinit.

Lajmin e bëri të ditur vetë Haradinaj përmes një postimi në llogarinë e tij në Facebook.

Haradinaj shtoi se të falësh është burrëri, nder e trimëri.

Postimi i tij i plotë:

Të falësh është burrëri, nder e trimëri!

Harmonia mes vete dhe bashkimi, përbëjnë forcën e një kombi.

Në Ditën e Dëshmorëve të Kombit Shqiptar dhe për hirë të sakrificës së tyre për liri, familja Hadërgjonaj nga Pobergja, i shtriu dorën e pajtimit familjes Osmanaj nga Nivokazi.

Shkelzen Hadërgjonaj e Afrim Osmanaj, qofshi faqebardhë!