Ministria e Punëve të Jashtme e Kosovës e ka uruar shtetin fqinj të Malit të Zi për Ditën e Pavarësisë.

MPJ shkruan se Kosova mezi pret që edhe më shumë t’i forcojë lidhjet me shtetin malazez.

“Republika e Kosovës është e lumtur që ju ka fqinj dhe mezi pret që të forcojë lidhjen tonë që kemi mes shteteve tona dhe më e rëndësishmja, traditën mes njerëzve tanë të mirë”.

Para disa ditës në Prishtinë për herë të parë erdhi presidenti i Malit të Zi, Milo Gjukanoviq, i cili lavdëroi “marrëdhëniet e shkëlqyeshme” të Kosovës dhe Malit të Zi, duke thënë se është i lumtur që edhe Kosova ndan po të njëjtat qëllime strategjike për një të ardhme evropiane.

Wishing #Montenegro a cheerful Independence Day! The Republic of #Kosova is glad to have you as a neighbor & looks forward to keep strengthening our bond we have between our states & most importantly, the #tradition between the good people of ours.

????? pic.twitter.com/s759dOGhN9

— MFA Kosova ?? (@MFAKOSOVO) May 21, 2022

Mali i Zi e mbajti referendumin për pavarësi më 21 maj të 2006-ës. Pas verifikimit, referendumi u përfshi në një deklaratë të pavarësisë gjatë një sesioni të posaçëm parlamentar më 31 maj. Kuvendi i Republikës së Malit të Zi bëri një deklaratë zyrtare të pavarësisë më 3 qershor. Por, 21 maji shënohet si Dita e Pavarësisë.