Sot 25 vite më parë është zhdukur pa gjurmë intelektuali, filozofi dhe profesori Ukshin Hoti, raporton Gazeta Online Reporteri.net.

Djali i tij, Andin Hoti, ka publikuar një letër të babait të tij, e cila ishte shkruar dhe dërguar vite më parë në adresë të familjarëve të Hotit.

“Të lutem shumë, përqafoi fëmijët e mi për mua, pastaj edhe të tutë, të vëllezërve dhe të motrave, edhe prindërit. Përshëndeti të tjerët. U don vëllau Ukshini”, thuhet në letrën e Ukshin Hotit që i ishte dërguar dikujt prej familjarëve.

Mes tjerash në postim ai ka shkruar “një çerek shekulli në kërkim tëndin BABË”.

Më 16 maj 1999 në rrethana ende të pandriçuara është zhdukur Ukshin Hoti.

Për aktivitetin e tij atdhetar ai ishte arrestuar disa herë nga regjimi serb i Millosheviqit.

Më 16 maj 1999 pas lirimit dhe pas daljes nga qelia e burgut të Dubravës, zhduket nga polica serbe pa lënë gjurmë.