Të rinjtë e LDK-së “zënë peshq” dhe mbjellin lule në gropat në rrugët e Suharekës

Lajme

Të rinjtë e LDK-së “zënë peshq” dhe mbjellin lule në gropat në rrugët e Suharekës

Reporteri

09 Maj 2021 | 19:53

Forumi rinor i LDK-së dega në Suharekë gjatë ditës ka zhvilluar aktivitet duke reaguar ndaj qeverisjes aktuale.

Në faqen e tyre në Facebook ata kanë postuar foto dukje mbjellë lule e duke “peshkuar” me grep në gropat në rrugët e qytetit.

Komuna e Suharekës udhëhiqet nga AAK-ja, ndërsa për një kohë të gjatë pushtetin e ka pasur LDK-ja.

Lexo edhe:

Gashi: Kurti do ta dërgojë Asociacionin në Kushtetuese

Gashi flet për prapaskenat para votimit për KiE

Ministria e Jashtme gjermane tregon për takimin me Kurtin

Njoftimi nga LDK:

Këto gropa që po i shihni, deri më tani kanë kryer dy funksione:

1. Kanë shkatërruar makinat tona, me të cilat çdo ditë kryejmë punë, ani pse për këto gropa, kreu i komunës sonë e ka shpërblyer me tender publik një bashkëpartiak dhe dost të vetin.

Vlera e tenderit ka qenë afërsisht gjysmë milioni, por tani zyrtarë të komunës po na thonë që kjo vlerë është tejkaluar!

Nëse e shohim nivelin e rrugëve e dimë që këtu kemi të bëjmë me keqmenaxhim të kontratës, në mos edhe me diçka tjetër.

2. Së fundmi, kur kemi vërejtur se kreu i komunës ka rënë në gjumë të thellë, (aq sa dhe thellësia e këtyre gropave, thellësi kjo që po rritet deri në nivelin që po krijohen kushte ideale për rritjen dhe kultivimin e luleve dhe peshkut).

Me këto kushte të krijuara ne kemi vendosur që këto gropa t’i përdorim në mënyrën më të mirë të mundshme.

PS: KUJDES, nëse dikush nga ju bie në këto gropa, luteni që të kërkoni ndihmë, deri sa ekipet emergjente të vijnë për t’iu dalur në ndihmë.