Përleshje fizike e të shtëna me armë zjarri janë raportuar sot në Ferizaj. Lidhur me rastin, dy persona janë arrestuar, derisa një tjetër është dërguar në Emergjencë në Ferizaj, meqë dyshohet se ka lëndime trupore si pasojë e përleshjes fizike.

Rastin për Reporteri.net e ka konfirmuar zëdhënësi i Policisë për Rajonin e Ferizajt, Kanun Veseli.

Ai ka bërë me dije se në vendngjarje është gjetur një armë zjarri.

“Ju njoftojmë se sot, më 17.02.2025, rreth orës 15:11, në rrugën “Rexhep Bislimi” në Ferizaj, kemi pranuar një informatë se ka të shtëna me armë zjarri. Njësitet policore kanë dalë në vendngjarje. Dy persona janë shoqëruar drejt stacionit policor, ndërsa një person është transportuar me autoambulancë në Qendrën Emergjente në Ferizaj ku dyshohet se lëndime trupore ka pësuar  gjatë përleshjes fizike.  Nga vendi i ngjarjes është sekuestruar një armë e zjarrit. Për informata të mëtejshme, do t’ju njoftojmë me kohë”, ka thënë Veseli./Reporteri.net