Policia e Kosovës ka konfirmuar rastin e të shtënave me armë zjarri që ka ndodhur në rrugën “Tahir Zajmi”.

“Sot rreth orës 13:30 kemi pranuar informatën se në rrugën “Tahir Zajmi” në Prishtinë, ka pasur të shtëna me armë zjarri. Menjëherë në vendngjarje kanë dalë njësitet e nevojshme policore, të cilat po merren me rastin”, ka thënë Ahmeti.

Si pasojë e përleshjes fizike midis personave të përfshirë në këtë ngjarje, sipas saj, një person ka marrë lëndime trupore.