Mbrëmjen e së enjtes ka pasur të shtëna me armë tek Rruga B në Prishtinë.

Forca të mëdha të policisë janë parë në vendin e ngjarjes ndërkohë që ende nuk është raportuar për viktima.

Në këto pamje të siguruara nga Gazeta, shihet një prezencë e madhe e Policisë së Kosovës.

E lidhur me këtë, zëdhënësi i PK-së për rajonin e Prishtinës, Agron Borovci ka dhënë detaje të reja.

“Rreth orës 21:00 është raportuar për një gjuajtje me armë zjarri në rrugën “B” në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karakterizojnë rastin. Informatat e para flasin për dyshimet se persona të dyshuar nga një veturë kanë shtënë në drejtim të një veture tjetër dhe me shpejtësi janë larguar nga vendi i ngjarjes.”

“Fatmirësisht nga të shtënat nuk ka pasur persona te lënduar. Aktualisht po vijon puna policore për identifikimin e të dyshuarve si dhe lokalizimin e vendndodhjes së tyre”, tha Borovci për Reporterin.