Qytetarë të shumtë të grumbulluar para selisë së OVL të UÇK-së janë përleshur me pjesëtarët e Policisë së EULEX-it.
Ata po protestojnë pas arrestimit të kreut të OVL-UÇK, Hysni Gucati nga ana e EULEX-it, i cili po vazhdon bastisjet në zyret e kësaj organizate, shkruan Reporteri.
Protestuesit janë përleshur edhe me Policinë e EULEX-it derisa disa prej tyre kanë gjuajtur shishe në drejtim të tyre.
Pas tensioneve policët e Kosovës kanë ndërhyrë për të qetësuar situatën duke krijuar një kordon para protestuesve.
Afër vendit të ngjarjes është parë edhe një automjet i Policisë me pjesëtarë të Njësisë Speciale, shkruan Reporteri.net.
Ambulanca e Policisë së EULEX-it ndodhet pranë zyrave të OVL-UÇK-ë ku ende po vazhdon bastisja.
Reporteri.net do të ju mbajë të informuar në lidhje me zhvillimet që po ndodhin aty.