Teodosije në Kishën e Arkanit, reagon Daut Haradinaj: Sot u shkel dinjiteti i Republikës sonë

Lajme

Teodosije në Kishën e Arkanit, reagon Daut Haradinaj: Sot u shkel dinjiteti i Republikës sonë

Reporteri

10 Qershor 2021 | 14:29

Kandidati për kryetar të Prishtinës nga radhët e Aleancës për Ardhmërinë e Kosovës (AAK), Daut Haradinaj ka reaguar ashpër ndaj liturgjisë ortodokse serbe të mbajtur gjatë ditës së sotme në Kishën që ndodhet në kampusin e Universitetin të Prishtinës.

Ai përmes një postimi në Facebook, ka thënë se i respekton liritë fetare por liturgjia e mbajtur sot në një kishe të ndërtuar mbi idetë fashiste, është shkelje e dinjitetit të Kosovës.

“Me gjithë respektin për liritë fetare, liturgjia ortodokse serbe e mbajtur sot në kishën e kontestuar në oborrin e Universitetit të Prishtinës, kishë kjo e ndërtuar mbi idetë fashiste millosheviqiane, është shkelje e dinjitetit të Republikës sonë e mbi të gjitha ofendim ndaj qytetarëve tanë”, ka shkruar Haradinaj.

Lexo edhe:

Policia konfiskon një ‘armë plastike’ nga një serb në Gazimestan

Edhe Slavko Simiq pjesë në ceremoninë e Vidovdanit

PDK për takimin e sotëm me Kurtin: Do të paraqesim pikëpamjet tona mbi hapat e nevojshëm për tejkalimin e situatës

Ai ka bërë thirrje që urgjentisht të reagojë qeveria e Kosovës dhe Komuna e Prishtinës.
“Qeveria dhe Komuna të reagojnë menjëherë!”, ka deklaruar Haradinaj.