Isa Mustafa tashmë është zgjedhur kryetar i Lidhjes Demokratike e Kosovës.

Por ajo që ndodhi brenda në Kuvend, ku mediat nuk ishin të pranishme, është thënë se ka pasur parregullësi.

Të paktën kështu ka deklaruar ish-deputetja Melihate Tërmkolli. Ajo ka treguar se ka kërkuar fjalën në Kuvend, por nuk i është dhënë.

Sipas saj, këto gjëra nuk kanë ndodhur as në kohën e komunizmit.

“As në periudhën komuniste nuk është vepruar kështu. Unë e kërkova fjalën dhe as fjalën nuk ma dhanë. Por nuk duhet të çuditemi sepse në krye të LDK-së e kemi një njeri që ka qenë ministër i Rrahman Morinës”, tha Tërmkolli.

Tërmkolli para se të fillonte Kuvendi Zgjedhor, është shprehur kundër rizgjedhjes së Isa Mustafës në krye të partisë./Reporteri.net./