216 besimtarë myslimanë të Prishtinës, nga gjithsej 1080 sa do të udhëtojnë këtë vit, janë nisur dje nga Kosova për ta kryer Haxhin, si kushtin e pestë të besimit islam.

Në mesin e tyre është dhe kryetari i Bashkësisë Islame, myftiu Naim Tërnava, për të cilin nuk është hera e parë që po udhëton për në Mekë.

Ky i fundit ka reaguar pas raportimeve se ai së bashku me një grup të njerëzve nuk paguajnë për të shkuar në haxh.

“Naim Tërrnava gjithherë i paguan vetë për këtë kur të doni mund t’i shihni, edhe pse nuk është e udhës ta paguaj se unë i udhëheqi haxhinjtë, jam kryetar i haxhinjve. Deri në Durrës me shku, ai që udhëheq, shkon pa pagesë”, ka deklaruar Tërrnava, shkruan Reporteri.net.

Kujtojmë se numri i besimtarëve që shkojnë në vendet e shenjta është rritur dhjetëfish dhe mosha mesatare është 40 vjet, ndërsa çmimi i Haxhit për besimtarët kosovarë këtë vit është 4.150 euro.