Testi pranues për Fakultetin e Mjekësisë, i cili u mbajt sot për nxënësit që kanë aplikuar për pranim në këtë fakultet pati një gabim.

Në testin e grupit B, në pyetjen për konfiguracionin elektronik të kaliumit, u vendosën opcione të gabuara, e që përkonin me konfiguracionin e një elementi tjetër kimik, natriumit.

Këtë gabim e ka konfirmuar edhe profesori i Kimisë, Rasim Bajrami.

Nxënësit që kanë hasur në këtë pyetje kërkojnë sqarime në lidhje me këtë lëshim.

Testi pranues për Fakultetin e Mjekësisë është mbajtur sot në ambientet e Fakultetit Teknik, me fillim nga ora 09:00 dhe ka zgjatur 90 minuta.

/Mitropol/