Presidenti i vendit Hashim Thaçi ka akuzuar kryeministrin në detyrë, Albin Kurtin për lojalitet ndaj Serbisë, i cili mundësoi shtrirjen e autoritetit të shtetit serb në veri.

Thaçi ka thënë se në kohën e pandemisë Kurti lejoi mjekët serbë në veri, pranoi testet serbe dhe mundësoi shtrirjen e ndikimit serb në veri të vendit.

“Kryeministri Kurti i mundësoi autoritet të shtuar Serbisë në Kosovë. Kurti u tregua shumë lojal ndaj Serbisë dhe në emër të luftës kundër pandemisë mundësoi shtrirjen e autoritetit të Serbisë në veri”, tha Thaçi.

Sipas Thaçit Kurti ka lejuar shtrirjen e autoritetit të Serbisë në pjesën veriore të vendit.

“Serbia vetën në 2005-2006 ka pasur autoritet më shumë në veri. Pranimi i testeve nga Serbia në një rrethanë të tillë, të dërguara nga Kina, pastaj ndërtimi i një rrethane të hekurt kufitare Kosovë-Shqipëri dhe hapja e kufirit me Serbinë ka qenë veprim i gabuar jo i mençur dhe i dëmshëm për shtetit e Kosovën. Nuk është akuzë është realitet dhe këtë e dinë të gjithë. Edhe në kohën e Enver Hoxhës ka ekzistuar komunikimi Kosovë-Serbi”.

Ndryshe, Thaçi ndër të tjera ka thënë se nuk ka pasur asnjë ndikim në rrëzimin e Qeverisë Kurti.