Presidenti i Kosovës, Hashim Thaçi pritet ta takojë sot Kryeminsitrin e Kosovës, Albin Kurtin.

Burime të Reporteri.net kanë bërë më dije se Thaçi do t’i përgjigjet pozitivisht ftesës së Kurtit për takim.

Përmes një letre, Kurti e ftoi Thaçin që të koordinohen për politikën e jashtme. Ai i dha tri termine kohore kur mund të takohen, ndërkohë që nuk ësstë mësuar saktë koha e takimit mes tyre. “Takimi do të ndodhë sot, gjithsesi.

Presidenti e ka pranuar ftesën”, tha një burim i Reporterit. Kryeministri Kurti në letrën për Thaçin ka theksuar se prezantimi i Republikës duhet të jetë i njëzëshëm dhe se dallimet duhet të mbesin brenda vendit duke mos ndikuar kur e përfaqësojnë atë.

Kjo është hera e dytë qe Kurti e fton Thaçin në takim. Herën e parë Thaçi nuk shkoi në takim pasi ishte në udhëtim për në Munich ku mori pjesë në Konferencën për Siguri.

Ndërsa kjo është ftesa e kryeministrit të Kosovës, Albin Kurtit, i cili i bëri Presidentit të Kosovës Hashim Thaçit. Kurti përmes kësaj letre i ka kërkuar takim Thaçit.