Presidenti i vendit, Hashim Thaçi, sot gjatë ditës ka qëndruar në stanet e familjes Demaj në Bjeshkët e Istogut – Cerovodës.

Ai ka shkruar se me bashkëluftëtarët ka ecur përgjatë kufirit Kosovë-Serbi, ndërsa thotë se vendi ynë ka bukuri të shumta natyrore.

Në foton e publikuar shihet se Thaçi ka qenë i shoqëruar nga miku i tij i ngushtë, Hajredin Kuçi dhe Sami Lushtaku, shkruan Reporteri.net.

“Ishte kënaqësi e veçantë për mua dhe bashkëluftëtarët e mi të kalojmë një pasdite të bukur te stanet e familjes Demaj në Bjeshkët e Istogut – Cerovodës dhe të ecim përgjatë kufirit Kosovë-Serbi, drejtimi i Tutinit. Kosova është e pasur me bukuri të shumta natyrore. HTH”, ka shkruar ai. /Reporteri.net/.