Presidenti i Kosovës, Hashim Thaçi, ka përkujtuar tre ish ushtarët e UÇK-së, Hyzri Talla, Afrim Maliqi dhe Ilir Durmishi, duke thënë se këta u vranë pabesisht para 21 vjetëve.

Ndër të tjera ai tha ish ushtarët ranë në krye të misionit për çlirimin e Kosovës.

“Para 21 vjetëve u vranë pabesisht tre veprimtarë, tre luftëtarë lirie, Hyzri Talla, Afrim Maliqi dhe Ilir Durmishi. Hyzri Talla ishte pjesëtar i Ushtrisë Çlirimtare të Kosovës, i cili së bashku me dy veprimtarët tjerë, gazetarin Afrim Maliqi dhe Ilir Durmishin, ranë në krye të misionit për çlirimin e Kosovës. Lavdi jetës dhe veprës së tyre”, shkruan tutje Thaqi.