Presidenti i Kosovës, Hashim Thaçi, në 30-vjetorin e bombardimit të shtëpisë së Adem Jasharit, ka përkujtuar veteranët e luftës.

Sipas tij kjo ditë sjell si kujtim betejën e parë të familjes së komandantit legjendar Adem Jashari në Prekaz, shkruan Reporteri.net

“Kjo ditë sjell në kujtesën tonë edhe betejën e parë të familjes së komandantit legjendar Adem Jashari në Prekaz, më 30 dhjetor 1991, aty ku nisi rruga e lirisë”, shkruan Thaçi.

Tutje, Thaçi theksoi se dëshmorët dhe heronjtë e UÇK-së, janë shembull i sakrifimit për lirinë e popullit.

“Në këtë 30 dhjetor, si në çdo fundvit tjetër, i nderojmë ata që bënë të mundur ta gëzojmë lirinë dhe pavarësinë tonë, veteranët e luftës sonë çlirimtare. Kjo ditë sjell në kujtesën tonë edhe betejën e parë të familjes së komandantit legjendar Adem Jashari në Prekaz, më 30 dhjetor 1991, aty ku nisi rruga e lirisë. Veteranët e luftës së Ushtrisë Çlirimtare të Kosovës, dëshmorët dhe heronjtë e saj, janë shembull i sakrifikimit për ideale dhe për lirinë e popullit tonë. Urime Dita e Veteranit, të gjithë veteranëve të Ushtrisë Çlirimtare të Kosovës”, shkruan ai.

Reporteri.net