Thaçi: Procesi elektoral ishte shembullor, pres formim sa më të shpejtë të Qeverisë

Presidenti i Kosovës, Hashim Thaçi, ka pritur sot ambasadoren e Finlandës në Prishtinë, Pia Stjernvall, me të cilën ka biseduar për zhvillimet në vendin tonë.


Thaçi u shpreh se Kosova ka zhvilluar një proces elektoral shembullor dhe se tani pret formimin e qeverisë së re.

“Pas një procesi elektoral shembullor, pres që shpejt të formohet qeveria e re dhe të vazhdojmë në rrugën drejt integrimeve euroatlantike”, u shpreh presidenti Thaçi.

Ambasadorja Stjernvall theksoi se Finlanda mbështet perspektivën evropiane të Kosovës dhe të tërë Ballkanit Perëndimor.

Presidenti Thaçi shtoi se është e rëndësishme që përkrahja e shteteve anëtare të BE-së, për tërë vendet e Ballkanit Perëndimor, të mos lëkundet.

“Kosova nuk ka alternativë tjetër përveç anëtarësimit në BE”, konkludoi presidenti Thaçi.