Presidenti i Kosovës, Hashim Thaçi ka takuar sot kryetaren e KQZ-së, Valdete Daka.

Procesi i certifikimit të zgjedhjeve për t’i hapur rrugë konstituimit të Kuvendit dhe formimit të Qeverisë së re ka qenë temë diskutimi njofton Zyra e Presidencës, përcjell Reporteri.net.

Kryetarja e KQZ-së, Valdete Daka e ka njoftuar presidentin Thaçi rreth procesit të numërimit dhe certifikimit të rezultatit zgjedhor.

Në anën tjetër, Thaçi ka vlerësuar Kryetaren Daka për punën, integritetin dhe profesionalizmin e KQZ-së në menaxhimin e procesit të përgjithshëm elektoral. /Reporteri.net