Një 19-vjeçar është therur me thikë sot në komunën e Drenasit.

Rastin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, shkruan Reporteri.net.

Deri tek therja ka ardhur si pasojë e një përleshjeje fizike mes disa të rinjve, ku 19-vjeçari u godit nga një mjet i fortë.

I njëjti është dërguar për trajtim mjekësor në Qendrën Klinike Universitare të Kosovës.

“Bazuar në  informacionet e para dyshohet se një person mashkull 19 vjeç, ka marrë plagë nga një mjet i mprehtë dhe i njëjti është dërguar në QKUK për trajtim mjekësor.  Lidhur me këtë rast pilicia ka identifikuar dy persona të dyshuar dhe është në kërkim të tyre. Aktualisht po vazhdon puna për zbardhjen e rrethanave dhe motiveve që karakterizojnë ngjarjen”, ka thënë Ahmeti. /Reporteri.net