Një person ka vdekur e dy të tjerë janë plagosur nga një therje me thikë që ka ndodhur në fshatin Bardhaniq në Komunën e Gjakovës.

Lajmin e ka konfirmuar drejtori i Policisë së Rajonit të Gjakovës, Lumni Graishta.

“Rreth orës 03:00 të datës 07.07.2020 Policia në Gjakovë është informuar për një rast vrasje në fshatin Bardhaniq. Të gjitha njësitet relevante si njësitet patrulluese, hetuesia, forenzika, prokurori i shtetit dhe ekipi mjekësor i janë përgjigj vendit të ngjarjes. Mjeku ka konstatuar vdekjen e viktimës ndërsa dy personave tjerë iu është dhënë ndihma e nevojshme mjekësore”, deklaroi Graishta për Reporteri.net.

Ai tha se një person, dyshohet se ka kryer të tri therjet.

“Dyshohet se kryerësi i mundshëm është shtetas i Shqipërisë i cili është arrestuar rreth ores 07:00 të mëngjesit nga stacioni i policisë në Deçant. I njëjti është arrestuar dhe është dërguar në mbajtje për 48 orë”, tha Graishta. /Reporteri.net/.