Avokati Tomë Gashi ka deklaruar se Gjykata Speciale i ka rrënjët në Beograd.

Duke folur rreth formimit të Speciales, Gashi tha se kjo gjykatë i ka degët e saj në Beograd, dhe se formimi i saj nënkupton nxerrjen e dokumenteve edhe prej Serbisë, transmeton Gazeta Online Reporteri.net.

“Këta tonët kanë faj që e kanë formu Gjykatën Speciale, edhe kanë ditë që kanë me mujt marr dokumente prej kujtdo e edhe prej Serbisë. Në Beograd i kanë degët e tyre, e jo në Prishtinë”, tha ai në T7.

Lidhur me të paraburgosurit në Hagë, avokati Tomë Gashi theksoi se, meqenëse edhe janë dorëzuar vullnetarisht, të paktën duhet të ishin lënë të mbrohen në liri.

“Të gjithë këta janë dorëzu vullnetarisht, ndërsa asnjërin prej tyre nuk po i lejon me u mbrojë në liri”, tha Gashi. /Reporteri.net/.