Dy vëllezër nga Dragashi kanë vdekur nga koronavirusi.

Familja e Shemsedin dhe Avdurrahim Qafleshit brenda katër ditësh janë përballë me dy tragjedi të njëpasnjëshme, ku këta dy vëllezër nuk arritën ta fitojnë betejën me Covid-19, shkruan Reporteri.

Lajmin për Reporterin e ka konfirmuar  kryetrari i Komunës së Dragashit, Shaban Shabani.

“Po mund të ju konfirmoj se kanë ndërruar jetë brenda katër ditësh”, ka thënë Shabani për Reporterin.

Në media u raportua se ata kanë qenë të moshës 60 dhe 57 vjeçare.

Kujtojmë se javëve të fundit ka rënë dukshëm numri i viktimave dhe rasteve të reja me Covis-19 në Kosovë./Reporteri.net