Tre persona janë lënduar si pasojë e një aksidenti në rrugën Prishtinë-Ferizaj, shkruan Reporteri.net.

Zëdhënësja e Policisë së Kosovës për rajonin e Prishtinës, Flora Ahmeti ka thënë për Reporteri se në këtë aksident janë përfshirë dz kamion dhe një veturë.

“Rreth orës  15:00 ka ndodhur aksident trafiku  në  rrugën Prishtinë – Ferizaj, (Veterrnik). Në aksident janë përfshirë tri automjete, dy kamionë dhe një veturë. Si pasojë e aksidentit lëndime trupore kanë pësuar tre persona, të cilët janë dërguar për tretman mjekësor”, ka thënë Ahmeti.

Sipas saj me rastin është duke u marrë njësiti I Trafikut I Policisë së Kosovës.