Sot u përurua tuneli në hyrje të Mitrovicës me gjatësi prej 250 metra dhe gjerësi prej 6.5 metra.
Ministri i Infrastrukturës, Pal Lekaj ka falënderuar qytetarët për mirëkuptimin e tyre për vonesat e shkaktuara për ta përuruar këtë projekt, ndërsa thotë se investimi i bërë i hoqi pamjen frikësuese tunelit të Mitrovicës.
“Një investim me vlerë rreth 380 mijë euro, tunelit në hyrje të Mitrovicës i hoqi pamjen frikësuese. Tashmë është i lirë për qarkullim me të gjithë infrastrukturën e nevojshme. Faleminderit qytetarëve për mirëkuptimin karshi vonesave që erdhën si pasojë e këmbëngulësisë sonë që projekti të përfundojë me të gjitha detajet e planifikuara”, ka shkruar Lekaj, ndërsa ka publikuar dhe një video se si është dukur tuneli para dhe tani pas renovimit, shkruan Reporteri.net.
https://www.facebook.com/dr.pallekaj/videos/658978087887332/