Gjatë fjalimit të deputetes, Saranda Bogujevci, në tubimin e Lëvizjes Vetëvendosje për nder të 15 vjetorit të themelimit të saj, u dëgjuan brohoritma “UÇK, UÇK”.

Bogujevci tha se ndihet e nderuar që është pjesë e kësaj partie dhe theksoi se nuk guxon askush të shkelë mbi sovranin, shkruan Reporteri.net.

Ndër të tjera ajo tha se shumë shpejt do shihemi në zgjedhje të reja.

Deputetja Bogujevci, para turmës tregoi që sot në Ditën e Çlirimit dhe 15 vjetorit të VV-së, ajo feston ditëlindjen e saj.

Ky tubim filloi në orën 17:00.

Vetëvendosje këtë ngjarje e ka klasifikuar si tubim, e jo protestë, ndonëse kishin paralajmëruar organizimin e tyre për të kërkuar mbajtjen e zgjedhjeve. /Reporteri.net/