Sipas informacioneve të medias finlandeze “Yle.fi”, 12-vjeçari i dyshuar për të shtënat me armë zjarri në shkollën Viertola dyshohet se kishte qenë viktimë e bullizmit në shkollë, përcjell Reporteri.net.

Kështu, motivi i të shtënave lidhet me bullizmin në shkollë.

Policia e Uusimaa Lindore njoftoi të mërkurën në mëngjes se policia ka një ide paraprake për motivin e të shtënave në shkollë.

Për arsye hetimore, motivi në atë moment nuk mund të konfirmohej publikisht.

Nga të shtënat humbi jetën një djalë 12-vjeçar dhe dy vajza 12-vjeçare u plagosën rëndë./Reporteri.net/