Bllokimi i rrjetit të kanalizimit në një puset, ka bërë që ujërat fekale të rrjedhin përgjatë rrugës “Ukshin Kovaçica” në lagjen Mati 1 të Prishtinës, dhe kështu të rrezikohen seriozisht banorët nga ndonjë sëmundje.

Vështirë të përballueshëm kundërmimin e fekaleve e kanë familjet që jetojnë në këtë lagje.

Banorë të kësaj lagje kanë dërguar një video tek Gazeta Online “Reporteri.net” për të paraqitur shqetësimin e tyre nga derdhja e fekaleve.

Qyetari i cili ka dërguar videon thotë se e kanë njoftuar Komunën e Prishtinës për këtë problem, por edhe pse kanë ardhur në vendin e ngjarjes nuk kanë intervenuar deri më tani.

Kujtojmë se sa herë që ka reshje shiu, jo vetëm në këtë rrugë të kryeqytetit, por edhe në  të tjera paraqitet shpeshherë gjendje e njëjtë. /Reporteri.net/.