×
  • Lajme
  • Lajme

    Ushtarët bullgarë të KFOR-it zhvillojnë stërvitje me armë në Kosovë

    Reporteri
    07 Prill 2025 | 15:44

    Ushtarët bullgarë nga Komanda Rajonale Perëndimore (RC-W) e misionit të udhëhequr nga NATO, KFOR, kanë zhvilluar një stërvitje me qitje të drejtpërdrejtë në poligonin “Voloire”, pranë Kampit Villaggio Italia.

    Qëllimi i kësaj stërvitjeje siç thuhet ishte ruajtja dhe përmirësimi i aftësive të ushtarëve në qitje, përmes procedurave të testimit me armë individuale, duke siguruar gatishmëri dhe siguri të lartë operacionale.

    “KFOR-i vazhdon të zbatojë mandatin e tij të bazuar në Rezolutën 1244 të Këshillit të Sigurimit të OKB-së të vitit 1999, duke kontribuar për një ambient të sigurt dhe të qëndrueshëm për të gjitha komunitetet në Kosovë dhe duke garantuar lirinë e lëvizjes në çdo kohë dhe në mënyrë të paanshme”.

    “Ky mision funksionon në bashkëpunim të ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), secili brenda përgjegjësive të veta si pjesë e zinxhirit të sigurisë”, thuhet në njoftimin e KFOR-it në Facebook.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!