Ushtarët hungarezë nga Batalioni i Rezervës Taktik i KFOR-it të misionit KFOR-it të udhëhequr nga NATO, kanë zhvilluar një stërvitje për Kontrollin e Turmave dhe Trazirave për të ruajtur gatishmërinë e tyre të lartë operacionale, shkruan Gazeta Online Reporteri.net.

Sipas njoftimit të KFOR-it, pika vendimtare e stërvitjes ishte menaxhimi i mjeteve ndezëse dhe se trajnimi synon të përgatitet për të përballuar kërcënimin e zjarrit me vetëdije dhe sukses, duke mbajtur vetëkontroll dhe aftësi të plotë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të qetë dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”, thuhet në njoftimin e KFOR-it.

/Reporteri.net/