×
  • Lajme
  • Lajme

    Vdekja e mjekut që ishte në autoambulancën që u aksidentua, Ministri Latifi u shpreh ngushëllime familjarëve e kolegëve

    Reporteri
    05 Korrik 2022 | 21:06

    Ministri i Shëndetësisë, Rifat Latifi, u ka shprehur ngushëllime familjarëve dhe kolegëve të doktorit Mentor Salihu dhe Skofiar Gjinit, të cilët vdiqën pas lëndimeve që morën në një aksident mes një veture dhe autoambulancës ku ndodheshin, shkruan Gazeta Online Reporteri.net.

    Në mesazhin e Latifit thuhet se ata do të kujtohen si profesionistë që i shërbyen me përkushtim jetës së qytetarëve deri në momentin e dhimbshëm të ndarjes nga jeta.

    “Ministri Rifat Latifi u shpreh ngushëllime familjarëve dhe kolegëve të Dr. Mentor Salihu dhe Skofiar Gjini, punëtorë të QKMF-Gjakovë, të cilët u ndanë nga jeta si pasojë e një aksidenti gjatë ushtrimit të detyrës së tyre në shërbim të pacientëve.

    Ata do të kujtohen si profesionistë që i shërbyen me përkushtim jetës së qytetarëve deri në momentin e dhimbshëm të ndarjes nga jeta, thuhet në mesazhin e Ministrit Latifi drejtuar familjarëve, kolegëve dhe miqve të Mentorit e Skofiarit”, thuhet në njoftimin e Ministrisë./Reporteri.net

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!