Kurti shpreh ngushëllime për babain e Ahmeti Isufit: Mori pjesë në çdo protestë të Vetëvendosjes

Vdes aktivisti 94 vjeçarë i LVV, i cili kishte marrë pjesë në çdo protest të Lëvizjes Vetëvendosje.


Këtë e ka bërë të ditur vetë kreu i Lëvizjes Vetëvendosje, Albin Kurti, i cili tha se kujtimi për të është i papërshkrueshëm ndërkaq kontributi i tij i paçmueshëm.

“Limon Isufi është babai i komandatit të Zonës Operative të UÇK-së për Karadakun, ish ministrit e ish deputetit, z. Ahmet Isufi”, ka shkruar Kurti.

Tutje ai theksoi se varrimi i të ndjerit do të bëhet në varrezat e qytetit të Gjilanit.

Postimi i plotë:

Ka protesta të VETËVENDOSJE!-s në të cilat unë nuk kam marrë pjesë. Mirëpo, nuk ka protestë të Lëvizjes sonë në të cilën nuk ka marrë pjesë anëtari ynë më i moshuar, 94 vjeçari, Limon Isufi.

Baca Limon ka ndërruar jetë dje dhe sot varroset në Gjilan. Kujtimi për të është i paharrueshëm ndërkaq kontributi i tij i paçmueshëm. Limon Isufi është babai i komandatit të Zonës Operative të UÇK-së për Karadakun, ish ministrit e ish deputetit, z. Ahmet Isufi.

Gjithnjë do ta mbajmë në mendje me nderime dhe në zemër me mall.