Gjykata Themelore në Prishtinë ka njoftuar se ka vdekur gjyqtari Daut Qela, pas një sëmundje të shkurtë, shkruan Gazeta Online Reporteri.net.

Në njoftimin e gjykatës thuhet se kryetarja Albina Shabani Rama, ju ka shprehur ngushëllimet më të sinqerta familjes, kolegëve dhe gjithë miqëve të të ndjerit Qela.

Daut Qela ishte gjyqtar në Departamentin e Përgjithshëm në Gjykatën Themelore në Prishtinë-Dega në Gllogoc. Gjyqtari Qela ka diplomuar në Fakultetin Juridik, Universiteti i Prishtinës në vitin 1984. Provimin e jurisprudencës e përfundoi në vitin 2002,ndërsa praktikën profesionale e mbajti si Këshilltar ligjor për OJQ ADRA në vitin 2000. Në fund të vitit 2000 është emëruar gjyqtar në Gjykatën Komunale për Kundërvajtje në Gllogoc ku dhe punoi deri në vitin 2012.

Me 01.01.2013 gjyqtari Qela është emëruar gjyqtar në Departamentin e Përgjithshëm në Gjykatën Themelore në Prishtinë – Dega Gllogoc, pozitë të cilën e mbajti me krenari deri në momentet e fundit të jetës së tij.

“Gjykata përherë do ta kujtoj gjyqtarin Daut për punën e madhe, urtësinë dhe virtytet e larta njerëzore dhe profesionale”, thuhet në njoftim./Reporteri.net

Njoftimi i plotë:

Prishtinë 08.07.2022  – Pas një sëmundje të shkurtë ka ndërruar jetë gjyqtari i Gjykatës Themelore të Prishtinës – Dega në Gllogoc, Daut Qela.

Lajmin gjykata e ka pranuar nga të afërmit e të ndjerit.

Kryetarja e Gjykatës Themelore në Prishtinë Albina Shabani Rama ju shpreh ngushëllimet më të sinqerta familjes, kolegëve dhe gjithë miqëve të të ndjerit Qela.

Daut Qela ishte gjyqtar në Departamentin e Përgjithshëm në Gjykatën Themelore në Prishtinë-Dega në Gllogoc. Gjyqtari Qela ka diplomuar në Fakultetin Juridik, Universiteti i Prishtinës në vitin 1984. Provimin e jurisprudencës e përfundoi në vitin 2002,ndërsa praktikën profesionale e mbajti si Këshilltar ligjor për OJQ ADRA në vitin 2000. Në fund të vitit 2000 është emëruar gjyqtar në Gjykatën Komunale për Kundërvajtje në Gllogoc ku dhe punoi deri në vitin 2012.

Me 01.01.2013 gjyqtari Qela është emëruar gjyqtar në Departamentin e Përgjithshëm në Gjykatën Themelore në Prishtinë – Dega Gllogoc, pozitë të cilën e mbajti me krenari deri në momentet e fundit të jetës së tij.

Gjykata përherë do ta kujtoj gjyqtarin Daut për punën e madhe, urtësinë dhe virtytet e larta njerëzore dhe profesionale.