Ka vdekur në Stamboll të Turqisë profesori i njohur kosovar, Musa Stavileci.

Lajmin e vdekjes e ka dhënë nipi i tij, Blerand Stavileci, i cili tha se ai do të gjurmë në shumë gjenerata të studentëve që ai ligjëroi.

Ky është njoftimi i tij:

Me pikëllim të thellë njoftoj farefisin, miqtë dhe dashamirët se mbrëmë, më datën 20 maj 2020, në Stamboll, ka ndërruar jetë familjari ynë i dashur, Musa Stavileci.

Përveç familjar i devotshëm, ai ishte edhe profesor shembullor, puna dhe veprat e të cilit lanë gjurmë në shumë gjenerata të studentëve të universiteteve ku ai ligjëroi.

Afërsia dhe kujdesi i Axhës Musë ishin aq të jashtëzakonshme, saqë ai ishte i vetmi njeri që më datën 2 të çdo muaji vijues më uronte në mënyrë të veçantë për lindjen e djalit tim. Ai kishte shumë vlera e virtyte njerëzore, por posaçërisht këtë s’do ta harrojmë kurrë, as unë, as Liami. Shpresoj që stërnipi i tij të trashëgojë këto vlera e virtyte të pavdekshme.

Me dhembje e respekt, qoftë i përjetshëm kujtimi i tij!.

https://www.facebook.com/blerand.stavileci/photos/a.432939700172208/1940665276066302/?type=3&__xts__%5B0%5D=68.ARCN5O9iW7BMWcwtrmUsg32pCA4SL5DyOVE-Wleyk32rWqO8mqynhoB5xezpVox586naQJA3LBJSxItqnTrS3I2QhQI6VSwmbcMZlIb6tL-aEGiroIkuBrxXrPpLqa6cae9WvVwiz24VrLREQYFPdu_Nvyp5n73kMX00rsSsz0jDcK2tl6vMlAjJ4cYrMfc5cyRQsjHuIUusvznsl1sYpK7ZH_hoClN__17l6r-bHR9FC4UeUB8dIN0eD9DkG24qiT0_VsSV_hGP593EKgqO70a61hRfS9nD0IhoLZw22fRIN1pxmDaEqtCxZZ4h7ki-50fBdkEvsTqA7MCJPBLS6Ld8Kw&__tn__=-R