Sot ka ndërruar jetë Hivzi Syla nga Tomoci i Istogut, i cili ishte zëvendësdrejtor i Qendrës Korrektuese në Dubravë.

Lajmin për vdekjen e tij e ka bërë të ditur dega e PDK-së në Istog, pasi Syla ishte edhe anëtar i Këshillit Drejtues në këtë subjekt politik.

“Mbi të gjitha, Hivziu ishte i urtë, i edukuar, i arsimuar, dhe shëmbull i mirë jo vetëm në Istog, por në tërë Kosovën.
Kështu që, ikja e Hivziut nga kjo botë, është humbje jo vetëm për familjen, por edhe për PDK-në, shoqërinë në terësi dhe për vendin.
Dega e PDK-së në Istog i shpreh ngushëllime familjes Syla, stafit të Qendrës Korrektuese në Dubravë, si dhe gjithë qytetarëve të Istogut”, thuhet në njoftimin e tyre.