Nënkryetari i Lidhjes Demokratike të Kosovës, njëherit ministri i Punëve të Brendshme, Agim Veliu, ka thumbuar kryeparlamentaren Vjosa Osmani.

Përmes një postimi në rrjetin social Facebook, Veliu ka thënë se në historinë e parlamentarizmit demokratik nuk mbahet mend që kryetari i Parlamentit të ketë qenë person jo partiak, shkruan Reporteri.net.

Po ashtu sipas tij nuk mbahet mend kërcimi i të parit të Parlamentit në parti tjera.

Ky reagim i tij vjen pas deklaratave të Vjosa Osmanit, e cila dje para medieve ka thënë se rrugët me LDK-në janë ndarë ditën kur kanë vendosur që ta përjashtojnë.

Sipas saj, me LDK-në ka përfunduar gjithçka dhe ka lënë të hapur mundësinë e bashkëpunimit me kryetarin e Lëvizjes Vetëvendosje, Albin Kurtin.

Postimi i plotë i Veliut: 

Në historinë e parlamentarizmit demokratik nuk mbahet mend që kryetari i Parlamentit të ketë qenë person jo partiak!
Po ashtu, nuk mbahet mend kërcimi i kryetarit të Parlamentit në parti tjera! /Reporteri.net/