Kryeparlamentari Kadri Veseli ka folur edhe njëherë rreth fotografisë e gruas së dhunuar që e publikoi deputetja e PDK’së, Flora Brovina, e e cila rezulroi se është e falsifikuar. Veseli thotë se e gjitha është lojë e shërbimeve sekrete armike.

Kreu i PDK’së thotë se e di se kush është fajëtor që i futi në kurth deputeten Brovina.

Ai në një emision në RTV Dukagjini ka thënë se kjo është loje e shërbimeve sekrete armiqësore.

“Kjo është një lojë e djallit, e armikut. Unë e njoh mirë këtë lojë. Kjo është tipike e një lufte speciale”, ka thënë Veseli.

Ai thotë se këto shërbime mund të kenë prekur pas luftës shoqatat që janë marrë me krimet e luftës, me të pagjeturit dhe me viktimat e tjera.

“Është një fatkeqësi e madhe nëse ka ndodhur prej vitit 2003. Targetimi mund të ketë ndodhur te shoqatat që janë marrë me krimet e luftës”, ka thënë Veseli.