Kreu i PDK-së, Kadri Veseli, në një konferencë për media ka kritikuar qeverinë aktuale se nuk ka marrë masa të mjaftueshme në luftimin e koronavirusit.
“Masat që ka marrë qeveria nuk kanë qenë të mjaftueshme dhe jemi të shqetësuar me rolin e qeverisë në tërë këtë situatë, sepse me nënvlerësimin mund ta përkeqësoj gjendjen për qytetarët tanë”, tha Veseli, shkruan Reporteri.net.
Kreu i PDK-së tha se qeveria duhet të bëjë një program që t’i mbështet bizneset e sektorit privat.
“Bizneset private rrezikojnë të kenë mungesë të qarkullimit duke rrezikuar qindra mijëra vende pune. Është e domosdoshme një program stimulues financiar për sektorin privat, për të siguruar dhe garantuar që qytetarët nuk do t’i humbin vendet e tyre të punës dhe që në fund të muajit t’i kenë pagat e tyre”, tha Veseli. /Reporteri.net/.