Veseli u telefonon ambasadorëve, i bën thirrje Qeverisë të marrë masa për riatdhesimin e të gjithë shtetasve kosovarë

Lajme

Veseli u telefonon ambasadorëve, i bën thirrje Qeverisë të marrë masa për riatdhesimin e të gjithë shtetasve kosovarë

Reporteri

04 Prill 2020 | 11:37

Kreu i Partisë Demokratike të Kosovës, Kadri Veseli, ka biseduar me ambasadorët e Kosovës në Gjermani, Zvicër, Austri e Francë për t’u interesuar për gjendjen e diasporës në këtë kohë pandemie.

Veseli ka thënë se gjatë këtyre bisedave është informuar se kemi ende qindra shtetas që kanë shprehur vullnetin për t’u kthyer në shtëpitë e tyre në Kosovë, shkruan Reporteri.net.

Ai i ka bërë thirrje qeverisë në ikje të Kosovës, që sa më parë t’iu gjendet në ndihmë e të ndërmarrë masa për riatdhesimin e të gjithë shtetasve tanë, të cilët janë bllokuar jashtë e duan të kthehen.

Lexo edhe:

Prokurori thotë se fotografitë që u gjetën në telefonin e Pantiqit vërtetojnë se kishte rol kyç në “Mbrojtjen Civile”

Deputetja e LDK-së jep sinjale “flirti” me VV-në: Subjektet politike duhet të reflektojnë

Zyra e BE për takimin e Costa-Kurti: U nënvizua rëndësia e angazhimit të Kosovës për normalizim me Serbinë

Njoftimi i plotë:

Pata kënaqësinë të bisedoja me ambasadorët e Kosovës në Gjermani, Zvicër, Austri dhe Francë, të cilët i thirra në telefon për t’u interesuar për gjendjen e diasporës sonë në këto vende në kushtet e pandemisë. Duhet të jemi mirënjohës ndaj vendeve pritëse për kujdesin që po tregojnë për bashkëatdhetarët tanë por edhe të krenohemi me shërbimin tonë diplomatik për dedikimin që po dëshmon. U gëzova kur më treguan se edhe bizneset e diasporës janë mobilizuar në solidaritet për të ofruar mbështetje për studentët e Kosovës të mbetur jashtë, prandaj me të vërtetë meritojnë të lavdërohen.

Mirëpo, u informova gjithashtu se kemi ende qindëra shtetas që kanë shprehur vullnetin për t’u kthyer në shtëpitë e tyre në Kosovë gjë që e kanë të drejtë të mbrojtur nga Kushtetuta. Prandaj i bëj thirrje qeverisë në ikje të Kosovës, që sa më parë t’iu gjendet në ndihmë e të marri masa për riatdhesimin e të gjithë shtetasve tanë, të cilët janë bllokuar jashtë e duan të kthehen. Po ashtu, bëj thirrje që sa më shpejt të investohet për të zgjeruar kapacitetet e karantimit të qytetarëve tanë të cilët rikthehen në vendlindje.