Po vazhdon protesta e veteranëve të Ushtrisë Çlirimtare të Kosovës që po protestojnë në oborrin e Kuvendit të Kosovës me kërkesën për përfshirjen e pensionit të tyre në ligjin për pagën minimale.

Ata kanë thënë se nuk do të largohen dhe do të vazhdojnë të qëndrojnë aty deri në realizimin e kërkesave të tyre, shkruan Reporteri.net.

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku ka thënë se do të vendosin edhe tenda para Kuvendit, nëse është e nevojshme.

Në anën tjetër ka dështuar të mbahet edhe seanca e Kuvendit të Kosovës. Opozita kanë pamundësuar mbajtjen e sancës pa plotësimin e kërkesave të veteranëve. /Reporteri.net