Lëvizja Vetëvendosje përmes një postimi në Facebook i ka uruar sukses Vjosa Osmanit, në detyrën e presidentes.

VV thotë se Osmani, do ta ushtrojë detyrën e saj me nder dhe përgjegjësi të lartë.

Postimi i VV-së:

Me zgjedhjen e zonjës Vjosa Osmani si presidente, vullneti qytetar i shprehur në referendumin e 14 shkurtit u mishërua në formën e duhur duke përmbyllur kështu formimin e institucioneve të reja.

Me bindjen e plotë që Presidentja, zonja Vjosa Osmani, do ta ushtrojë detyrën e saj me nder dhe përgjegjësi të lartë, i dëshirojmë sukses dhe punë të mbarë.