Dy persona janë lënduar pasi u goditën nga një veturë sot rreth orës 11:00 në rrugën “Dëshmorët e Kombit” në Prishtinë.

Rastin për Gazetën Online “Reporteri.net” e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ahmeti bëri të ditur se si pasojë e aksidentit, dy këmbësorët janë dërguar në Klinikën Emergjente në Qendrën Klinike Universitare të Kosovës për trajtim mjekësor.

“Sot reth orës 11:00 në rrugën Dëshmorët e Kombit në Prishtinë ka ndodhur një aksident trafiku në mes një automjeti dhe dy këmbësorëve. Si pasoj e aksidentit, lëndime trupore kanë pësuar dy këmbësorët, të cilet janë dërguar në kliniken emergjente në QKUK, për trajtim mjekësor. Me rastin po merret njësiti i komunikacionit.”, tha ajo për Reporterin. /Reporteri.net/