Në mëngjesin e së enjtës një person është goditur nga një veturë në qytetin e Prizrenit.

Lajmin e ka konfirmuar për Reporteri.net Policia Rajonale e Prizrenit.

“Sot në ora 08:00 të mëngjesit një person është goditur nga vetura në rrugën ‘Tirana’, Personi është i vitit të lindjes 1931, pra 88 vjet”, ka konfirmuar zëdhënësi i Policisë së Prizrenit, Shaban Osmanollaj për Reporteri.net.

Ai ka thënë se gjendja e personit është e rëndë dhe është transferuar në QKUK për mjekim. /Reporteri.net/.