Një veturë ka goditur shtyllën elektrike në Prizren, me ç’rast një pasagjere femër ka pësuar lëndime trupore.

Policia njofton se aksidenti ka ndodhur për shkak pakujdesisë së shoferit.

“Ka ndodhur një aksident trafiku në të cilin është përfshirë një veturë me targa vendore. I dyshuari mashkull K/Shqiptar derisa ishte duke drejtuar veturën dyshohet se nga pakujdesia ka humbur kontrollin mbi veturë dhe ka goditur një shtyllë elektrike”, njofton PK.

“Si pasojë e aksidentit, lëndime të rënda ka pësuar viktima femër K/Shqiptare pasagjere në veturë, e cila është dërguar për tretman mjekësor në spitalin rajonal në Prizren”, thuhet në njoftim. /Reporteri.net/.