Ministri i Shëndetësisë, Arben Vitia bashkë me ministrinë e Administrimit të Pushtetit Lokal (MAPL), Elbert Krasniqi kanë vizituar Qendrën e Mjekësisë Familjare në Deçan.

Me këtë rast, Vitia ka thënë se është informuar se ka rënë fluksi i qytetarëve që po kërkojnë ndihmë shëndetësore në këtë qendër.

Vitia ka thënë se situata është e qetë dhe nën kontroll.

“Sot kisha kënaqësinë që bashkë me ministrin Krasniqi të bëjmë një vizitë në komunën e Deccanit. Jam shumë i lumtur nga informatat që morra se fluksi i qytetarëve që kërkojnë ndihmë ka rënë. Situata është në kontroll dhe e qetë. Ne qëndrojmë pranë drejtorit dhe qytetarëve të Deçanit, qoftë me nevojat që kanë qytetarët dhe personeli në QKMF qoftë edhe me problemet sa i përket resurseve humane”, ka thënë ai.

I pyetur se kur do të dalin rezultatet e analizave për të mësuar shkakun e helmimit, Vitia nuk ka dhënë ndonjë datë të saktë, duke thënë se disa rezultate dojnë kohë.

“Një pjesë e rezultateve ka dal, një pjesë po pritet sepse për disa rezultate don kohë, një pjesë e rezultateve do të dërgohen edhe jashtë vendit”, ka shtuar ai.