Kryeparlamentrja Vjosa Osmani ka pranuar zyrtarisht pozitën e ushtrueses së detyrës së presidentetes së Kosovës.

“Në përputhje me obligimet kushtetuese, pas dorëheqjes së presidentit të vendit Hashim Thaçi, Kryetarja e Kuvendit të Kosovës, dr.Vjosa Osmani, sot ka marrë zyrtarisht funksionin e u.d. të presidentes së Kosovës. Ceremonia e pranim- dorëzimit është bërë në prezencën e stafit të Presidencës dhe kryetares së Kuvendit të Kosovës”, thuhet në njoftim, shkruan Reporteri.net

Ajo pritet t’i drejtohet sot qytetarëve përmes një konference për media në orën 17:00.

Osmani merr detyrën e u.d. të presidentes pasi që Hashim Thaçi dha dorëheqje nga pozita e presidentit pas ngritjes së aktakuzës nga Gjykata Speciale.

/Reporteri.net/.