Cfarë ndjesie merr kur e kupton që e kanë shfrytëzuar politikisht? – ishte pyetja që Adi Krasta i kishte drejtuar në fund të emisionit të tij, Vjosa Osmanit.

Por, kjo e fundit thotë se nuk ndihet ashtu.

“Nuk ndihem që jam përdorur politikisht. Nuk ndihem e përdorur. Jam duke I realizuar në plotni ato për cka qytetarët më kanë besuar. Mes protagonizmit mediatik dhe tavolinës së bisedimeve, unë kam zgjedhur këtë të dytën”, ka thënë ajo.

Kandidatja për kryeministre e LDK-së ka thënë se negociatat me VV-në janë procese komplekse dhe duhet të ketë më shumë mirëkuptim se si e ndërtojnë dy partitë konsensusin brenda partive.