Ushtruesja e detyrës së presidentes, Vjosa Osmani, vazhdon ta dëmtojë LDK-në, duke i marrë zyrtarë të saj, të cilët po i bashkohen Listës që do ta formojë së shpejti.

Osmani së fundmi ia ka marrë LDK-së një kryetar të nëndegës në Gjilan nga qyteti i Gjilanit, ku kryetar i degës së partisë dhe njëherit komune është Lutfi Haziri.

Fjala është për Albin Devaja, i cili e ka konfirmuar largimin nga LDK, ndërsa ka publikuar edhe një foto me Vjosa Osmanin, shkruan Reporteri.net.

“Unë dhe shumë të tjerë ishim krenarë që në zgjedhjet e fundit kishim një kandidate për kryeministër si Vjosa Osmani, e cila nuk na e theu krenarinë, për të cilat premtime veçse kishim kërkuar votën.
Prandaj jam krenarë që jam pjesë e ekipit të zonjës së hekurt siç është Vjosa Osmani.
Shihemi në zgjedhje!”, ka shkruar ai.

Kujtojmë se dje Vjosa Osmanit iu bashkuan edhe disa zyrtarë të LDK-së të Degës së kësaj partie në Malishevë. /Reporteri.net/.