Disa deputetë të Lidhjes Demokratike të Kosovës, kanë mësyrë objektin e Kuvendit të Kosovës për të qenë gati në seancën konstituive të paraparë të nis në ora 15:00.

Megjithatë bashkë me ta u pa edhe bashkëpartiakja e tyre, Nënkryetarja Vjosa Osmani, porse ajo ndërroi destinacion duke u futur në zyrën qendrore të Lidhjes Demokratike.

Ndërsa po ndante diskutim me kolegët e saj rreth mbarëvajtjes së seancës së parë për legjilaturën e shtatë të Kuvendit të Kosovës, Vjosa Osmani është dëgjuar të ketë thënë: ”me këmbë të hajrit”.

Ndryshe, LDK e VV u nisën për seancën konstituive pa arritur marrëveshje për krijim të institucioneve.